kt jaleelcpm
ബന്ധു നിയമനം: മന്ത്രി കെ.ടി ജലീലിന് സി.പി.എം പിന്തുണ
09 NOV, 2018 - 13:33 PM

തിരുവനന്തപുരം: ബന്ധു നിയമന വിവാദത്തിൽ മന്ത്രി കെ.ടി ജലീലിനെ പിന്തുണച്ച് സി.പി.എം. മന്ത്രി ജലീൽ രാജിവെക്കേണ്ട സാഹചര്യമില്ലെന്ന് സംസ്ഥാന സെക്രട്ടറിേയറ്റ് വിലയിരുത്തിയതായി മാധ്യമങ്ങൾ റിപ്പോർട്ട് ചെയ്തു. 

ജലീലിനെതിരായ ആരോപണത്തിൽ കഴമ്പില്ല. നിയമനത്തിൽ തെറ്റുപറ്റിയിട്ടില്ല. പരാതിയുള്ളവർ കോടതിയിൽ പോകട്ടെയെന്നും സെക്രട്ടറിയേറ്റ് വ്യക്തമാക്കി. 

മന്ത്രി കെ.ടി. ജലീലിനെതിരെ പുറത്തുവന്ന ബന്ധുനിയമനവിവാദം ഒാ​രോ ദിവസം കഴിയുംതോറും കൂടുതൽ കുരുക്കുകളിലേക്ക്​ പോവുന്നതിനിടെയാണ്​ സി.പി.എം സംസ്ഥാന സെക്രട്ടറിയേറ്റ് യോഗം ചേർന്നത്. 

നിയമന വിവാദത്തെക്കുറിച്ച്​ ധരിപ്പിക്കാൻ മന്ത്രി ജലീൽ വ്യാഴാഴ്​ച സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണനെ കണ്ടിരുന്നു. 

Related news

Other news